Assemblea costitutiva de Sardos

Amiga, amigu

Sardos est un’assòtziu de tzitadinos chi bolet fàghere propostas in su dibàtitu polìticu sardu chirchende de fuire dae su giogu istrintu manca-dereta-dereta- manca pro fundare totu a pitzu de is interessos de sa Sardigna, sena etichetas e retòricas.

Sa Sardigna comente tzentru de sa vida nostra, sena si fàghere isbeliare dae giogos giai fatos o ideologias precostituidas.
Semus pro s’autodeterminatzione de su pòpulu sardu chi cheret nàrrere chi, suta de custa definitzione, s’andat dae s’autonomismu a s’indipendentismu sena estremismos, cun pragmatismu e s’atza e sa moderatzione chi bi bolet pro parare fronte a sos problemas cun solutziones.

Non semus unu partidu. Ma bolimus ùnire totu sos sardos de bona volontade comintzende dae partidos e movimentos chi ant ancas, coro e cherveddu in Sardigna.

Nos costituismus e comintzamus a formare laboratòrios pro formulare ideas

DOMINIGA CHI BENIT, S’8 DE CUSTU MESE DE SANTUGAINE/LADAMENE
IN SU TZENTRU SERVITZIOS DE SU NURAGHE LOSA IN SA SS 131 ABBASANTA

SI COMINTZAT A ORAS DE SA 10 E SI FINIT A SAS 14.00

Nos amus a presentare, amus a costituire laboratòrios e amus a discutire liberamente.

Si prandit in sa corte e ognunu batit calicuna cosa de partzire cun sos àteros

ses cumbidada e cumbidadu.

Beni tue cun chie boles e istimas e cumbida àtera gente puru.

In contu de Sardos

Lascia un commento

Il tuo indirizzo email non sarà pubblicato. I campi obbligatori sono contrassegnati *

Svolgi la seguente operazione * Time limit is exhausted. Please reload CAPTCHA.